A UXAFORES está formada por un conxunto de investigadores dedicados a mellorar o coñecemento no ámbito do medioambiente e, especialmente no ámbito forestal.
Neste último traballan nun amplio rango de temas relacionados cos árbores e as masas forestais, estudando a súa xestión, o seu crecemento e produción, os riscos aos que están sometidos (incendios, pragas), os suelos que os sustentan e os produtos finais que se obteñen do seu aproveitamento.
No ámbito do medioambiente se traballa na identificación de distintos contaminantes e na proposta de medidas para retelos e evitar a súa entrada na cadea trófica a través do uso de residuos/subprodutos que poderían actuar como adsorbentes. Tamén se traballa na restauración de espazos degradados, fundamentalmente por actividades mineiras.
Modelización do crecemento e a produtividade forestal.
Investigadores principais: Álvarez González, J.G., Diéguez Aranda, U., Rodríguez Soalleiro, R., Rojo Alboreca, A.
Liñas:
- Calidade da estación, modelización e relación con parámetros da estación
- Distribucións diamétricas
- Funcións de perfil e tarifas de cubicación con clasificación de produtos, implementados en programas informáticos
- Funcións de mortalidade
- Funcións de predición e proxección da área basimétrica
- Influencia da competencia no crecemento forestal
- Influencia de patóxenos no crecemento forestal
- Modelos dinámicos de crecemento para distintas especies implementados en programas informáticos de xestión
- Compatibilidade de modelos a varias escalas
- Combinación de imaxes aéreas e satelitais, LiDAR aéreo e terrestre e datos de campo para o inventario forestal e monitorización dos recursos naturais
- Inventarios forestais a gran escala e cartografía de existencias mediante teledetección
- Monitorización de cambios nos bosques debidos a actividades de deforestación e degradación forestal e de perturbacións naturais mediante teledetección
- Clasificación e división en rodais de bosques en virtude de características homoxéneas das masas forestais mediante teledetección
- Monitorización e identificación de lugares de particular interese para determinados usos do monte mediante teledetección
- Estimación das principais variables dasométricas a nivel de árbore e de masa mediante teledetección
Xestión forestal
Investigadores principais: Álvarez González, J.G., Diéguez Aranda, U., Riesco Muñoz, G., Rodríguez Soalleiro, R., Rojo Alboreca, A.
Liñas:
- Aplicacións informáticas de axuda á toma de datos e ao cálculo de resultados dos inventarios forestais
- Sistemas informáticos de xestión para a elaboración e seguimento dos proxectos de ordenación de montes, integrados nun SIX (Sistema de Información Xeográfica)
- Desenvolvemento de métodos de ordenación para zonas protectoras e espazos naturais protexidos
- Ensaios de claras en masas de distintas especies
- Diagramas de manexo da densidade de diferentes especies
- Crecemento inicial, estado nutricional e problemas sanitarios en plantacións de castiñeiro.
- Posibilidades de aplicación dos métodos CCF (Continuous Cover Forestry) aos montes do norte de España
- Agrupacións de xestión forestal conxunta
- Outros aproveitamentos do monte: aproveitamento micolóxico
Biomasa forestal, plantacións enerxéticas e fixación de carbono.
Investigadores principais: Álvarez González, J.G., Merino García, A., Rodríguez Soalleiro, R., Rojo Alboreca, A.
Liñas:
- Estimación da biomasa forestal en diferentes especies (arbóreas e arbustivas) e baixo distintos tratamentos
- Plantacións forestais de quenda curta para a obtención de materia prima para a industria e/ou enerxía
- Estimación do secuestro de carbono polas masas forestais
- Contido de carbono en solos
Solos: nutrición, contaminación e rehabilitación
Investigadores principais: Álvarez Rodríguez, E., Barreiro Buján, A.I., Fernández Marcos, M.L., Fernández Sanjurjo, M.J., Merino García, A., Núñez Delgado, A., Rodríguez Soalleiro, R., Souza Alonso, P.
Liñas:
- Diagnose nutricional a través da análise de solos e vexetación
- Fertilidade do solo e fertilización
- Ciclos bioxeoquímicos e da materia orgánica
- Labranza do solo. Efectos do manexo do solo
- Revalorización de residuos e subprodutos no ámbito agroforestal e ambiental
- Contaminación do solo por metais pesados e contaminantes emerxentes
- Conservación do solo
- Restauración e descontaminación de solos e augas
- Papel do solo no cambio climático: biodiversidade de microorganismos e gases de efecto invernadoiro
- Solos tropicais
- Resposta da comunidade microbiana do solo ao distinto manexo agro-forestal e a presenza de contaminantes emerxentes
Certificación forestal.
Investigadores principais: Rojo Alboreca, A.
Liñas:
- Xestión forestal sostible en Galicia
- Impactos ambientais, sociais e económicos da certificación forestal
- Desenvolvemento de aplicacións para facilitar a certificación forestal
Investigación operativa aplicada á xestión forestal.
Investigadores principais: Diéguez Aranda, U., Rojo Alboreca, A.
Liñas:
- Toma de decisións por análise multicriterio con elaboración de software
- Optimización por programación lineal
Propiedades da madeira.
Investigadores principais: Riesco Muñoz, G.
Liñas:
- Influencia da silvicultura e a estación forestal na calidade da madeira
- Caracterización física da madeira procedente de claras e de cultivos clonais
- Influencia dos fungos cromóxenos nas propiedades da madeira maciza
Análise de estruturas de madeira.
Investigadores principales: Guaita Fernández, M.
Liñas:
- Simulación numérica por elementos finitos da capacidade de resistencia da madeira para a construción
- Optimización e cálculo de estruturas de madeira e as súas unións
- Caracterización mecánica de madeira con fins estruturais
- Aplicación de técnicas non destrutivas para avaliación da madeira estrutural
- Estudo de comportamento de sistemas estruturais de madeira mediante ensaios mecánicos
- Aplicación de técnicas de fotogrametría (Correlación dixital de imaxes DIC) para estudo do comportamento da madeira estrutural
- Desenvolvemento de produtos innovadores para a construción en madeira
- Avaliación do encolado en produtos de madeira técnica
- Formación e docencia en cálculo de madeira estrutural
- Estimación da pegada de carbono en produtos estruturais de madeira
Sanidade forestal.
Investigadores principais: Lombardero Díaz, M.J.
Liñas:
- Efectos dos insectos prexudiciais na calidade, crecemento e produción das masas forestais
- Especies invasoras
- Dinámica de poboacións de insectos forestais: efectos da temperatura, calidade nutritiva e sistema defensivo das plantas, microorganismos e fauna asociada no crecemento, supervivencia e reprodución de insectos forestais, especialmente no contexto actual de cambio global
Incendios forestais.
Investigadores principais: Álvarez González, J.G., Ruiz González, A.D.
Liñas:
- Modelización da humidade de combustibles mortos en formacións vexetais arboradas e non arboradas
- Determinación de patróns estacionais de variación da humidade de combustibles vivos e formación vexetais arboradas e non arboradas
- Modelización de características estruturais do complexo de superficie determinantes da súa inflamabilidade e combustibilidade
- Modelización de características estruturais do dosel arbóreo determinantes do risco de inicio e de propagación do lume polas copas
- Catalogación de “situacións de combustible” en base aos criterios da “Fotoguía de combustibles forestales de Galicia y comportamiento del fuego asociado”
- Avaliación da efectividade de tratamentos silvícolas na redución do comportamento do lume
- Efecto dos incendios sobre os solos forestais
- Teledetección aplicada aos incendios forestais